തൃശൂർ: നഗരത്തിലെ കടമുറിക്ക് വ്യാജ രേഖ ചമച്ച് ലൈസൻസ് സമ്പാദിച്ചെന്ന കേസിൽ അറസ്റ്റിലായ സ്റ്റാൻഡിങ് കമ്മിറ്റി ചെയർമാൻ പി. സുകുമാരനെ രക്ഷിക്കാൻ സി.പി.എം ശ്രമിക്കുന്നുവെന്ന് ഡി.സി.സി ജനറൽ സെക്രട്ടറിയും കൗൺസിലറുമായ എ. പ്രസാദ് പ്രസ്താവനയിൽ ആരോപിച്ചു. കേസേന്വഷണത്തിൽ സുകുമാരൻ കാര്യങ്ങൾ തുറന്ന് പറഞ്ഞാൽ സി.പി.എം നേതാക്കൾ പ്രതിക്കൂട്ടിലാവും എന്നതിനാലാണിതെന്നും ആരോപിച്ചു. അറസ്റ്റിലായ സുകുമാരനെ ആശുപത്രിയിൽ കിടത്താനുള്ള അവസരം ഒരുക്കിയത് സി.പി.എമ്മാണ്. അത് ഭീതിയുടെ തെളിവാണ്. കോടതി റിമാൻഡ് ചെയ്തിട്ടും സുകുമാരനെ സ്റ്റാൻഡിങ് കമ്മിറ്റി ചെയർമാൻ സ്ഥാനത്തുനിന്നും രാജിവെപ്പിക്കാൻ പോലും സി.പി.എം ഭയക്കുന്നു. അറസ്റ്റ് സി.പി.എം നേതാക്കളിലേക്കും ഭരണ നേതൃത്വത്തിലേക്കും എത്തുന്നത് തടയാനാണ് ശ്രമം -പ്രസ്താവനയിൽ ആരോപിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.