ചാവക്കാട്: കടപ്പുറം തീരദേശ റോഡിൽ യാത്രക്കിടെ ലക്ഷ്വറി ബസിന് തീപിടിച്ചു. ഡ്രൈവർ ഓടി രക്ഷപ്പെട്ടു. കടപ്പുറം പഞ്ചായത്തിലെ തീരദേശപാതയായ നോളി റോഡില് ഞായറാഴ്ച പുലര്ച്ചെ 2.30 ഒാടെയാണ് അപകടം. കൊടുങ്ങല്ലൂർ എറിയാട് മണപ്പാട്ട് മുഹമ്മദ് ഷഹീറിെൻറ ഉടമസ്ഥതയിലുള്ള വാഹനമാണിത്. നാട്ടുകാരും അഗ്നിശമനസേനയും തീയണക്കാൻ ശ്രമിച്ചെങ്കിലും ബസ് പൂർണമായും കത്തി നശിച്ചു. ഗുരുവായൂരില് നിന്ന് കൊടുങ്ങല്ലൂരിലേക്കു പോകുകയായിരുന്നു. തീ പടരുന്നത് കണ്ട് പിന്നാലെയെത്തിയ ബൈക്ക് യാത്രികനാണ് വിവരം ബസ് ഡ്രൈവറെ അറിയിച്ചത്. ഇതോടെ വാഹനം നിർത്തിയ ഡ്രൈവർ ചാടിയിറങ്ങി ഒാടി രക്ഷപ്പെടുകയായിരുന്നു. ബസ് കോഴിക്കോട്ടേക്ക് വാടകപോയി ഗുരുവായൂരിൽ രണ്ട് ദിവസമായി നിർത്തിയിട്ടതായിരുന്നു. പുലര്ച്ചെ രണ്ടു മണിക്കാണ് കൊടുങ്ങല്ലൂരിലേക്കു പുറപ്പെട്ടത്. പുറകിൽ എൻജിന്ഭാഗത്തുനിന്നാണ് തീ പിടിച്ചത്. മറ്റു വാഹനങ്ങളിലെ യാത്രികരും പരിസരവാസികളും തീയണക്കാൻ ശ്രമിച്ചു. തീ ആളിപ്പടർന്നതോടെ അവർ അകലേക്ക് ഒാടി മാറി. ഗുരുവായൂരില് നിന്ന് ആദ്യമെത്തിയ അഗ്നിശമന സേനയുടെ രണ്ട് വാഹനങ്ങളിലും ആവശ്യത്തിന് വെള്ളമുണ്ടായിരുന്നില്ലെന്ന ആക്ഷേപമുണ്ട്. പിന്നീട് മറ്റൊരു ഫയർ എൻജിൻ കൂടി എത്തിയാണ് തീയണച്ചത്. ചാവക്കാട് പൊലീസും സ്ഥലത്തെത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.