മേത്തല:- നായ് റോഡിന് കുറുകെ ചാടിയതിനെ തുടർന്ന് വെട്ടിച്ച് മാറ്റാൻ ശ്രമിക്കുന്നതിനിടെ പെട്ടി ഓട്ടോ വൈദ്യുതി തൂണിലിടിച്ച് രണ്ട് യുവാക്കൾക്ക് പരിക്കേറ്റു. ഇടിയുടെ ആഘാതത്തിൽ തൂൺ ഒടിഞ്ഞ് വൈദ്യുതി വിതരണവും തടസ്സപ്പെട്ടു. ഡ്രൈവറായ തുമ്പൂർ കണ്ണൻ വീട്ടിൽ വിഷ്ണു (27), ഇയാളുടെ സഹായിയും ബന്ധുവുമായ മിഥുൻ (17) എന്നിവർക്കാണ് പരിക്കേറ്റത്. ഇവരെ കൊടുങ്ങല്ലൂർ താലൂക്ക് ആശുപത്രിയിൽ പ്രവേശിപ്പിച്ചു. വ്യാഴാഴ്ച രാവിലെ ഏഴ് മണിയോടെ കീഴ്ത്തളിക സതൂരി വളവിലാണ് അപകടം. മുനമ്പത്ത്നിന്ന് മത്സ്യം കയറ്റി തുമ്പൂരിലേക്ക് പോവുകയായിരുന്നു ഓട്ടോ. ഒരാഴ്ചയായിട്ടുള്ളൂ ഇരുവരും മത്സ്യ കച്ചവടം തുടങ്ങിയിട്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.