ചെന്ത്രാപ്പിന്നി: സംസ്ഥാന പൗള്ട്രി വികസന കോര്പറേഷന് നടപ്പാക്കുന്ന 'കോഴി വളര്ത്തല് ഗ്രാമങ്ങൾ' പദ്ധതിക്ക് എടത്തിരുത്തി ഗ്രാമപഞ്ചായത്തില് തുടക്കമായി. പഞ്ചായത്തിലെ വീട്ടമ്മമാര്ക്ക് എട്ട് കോഴിക്കുഞ്ഞുങ്ങളെയും അഞ്ച് കിലോ തീറ്റയും മരുന്നും വിതരണം ചെയ്യുന്നതാണ് പദ്ധതി. എടത്തിരുത്തി പഞ്ചായത്തിലെ 500 വീട്ടമ്മമാര്ക്കാണ് ഇവ വിതരണം ചെയ്തത്. ഇ.ടി.ടൈസൻ എം.എല്.എ വിതരണോദ്ഘാടനം നിര്വഹിച്ചു. പൗള്ട്രി വികസന കോര്പറേഷന് ചെയര്പേഴ്സൻ ജെ. ചിഞ്ചുറാണി അധ്യക്ഷത വഹിച്ചു. എടത്തിരുത്തി ഗ്രാമപഞ്ചായത്ത് പ്രസിഡൻറ് ബൈന പ്രദീപ് കോഴിത്തീറ്റയുടെ വിതരണോദ്ഘാടനം നിര്വഹിച്ചു. വൈസ് പ്രസിഡൻറ് എ.വി. സതീഷ്, പഞ്ചായത്ത് സ്ഥിരംസമിതി അധ്യക്ഷരായ ഗീത മോഹന്ദാസ്, ടി.വി. മനോഹരന്, രഞ്ജിനി സത്യന്, വെറ്ററിനറി സര്ജന് ഡോ. എന്.കെ. സന്തോഷ്, സി.ഡി.എസ് ചെയര്പേഴ്സൻ ഐഷാബി മുഹമ്മദ് എന്നിവര് സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.