വാടാനപ്പള്ളി: വാടാനപ്പള്ളി സർവിസ് സഹകരണ ബാങ്ക് തെരഞ്ഞെടുപ്പിൽ ഇടതുമുന്നണിക്ക് വൻ വിജയം. വാശിയേറിയ തെരഞ്ഞെടുപ്പിൽ ബി.ജെ.പി നേതൃത്വം നൽകുന്ന മുന്നണിയെയാണ് എൽ.ഡി.എഫ് തോൽപിച്ചത്. തെരഞ്ഞെടുപ്പിൽ യു.ഡി.എഫ് മത്സരിക്കാതെ പിൻവലിഞ്ഞപ്പോൾ ബി.ജെ.പി രംഗത്തിറങ്ങുകയായിരുന്നു. ചില കോൺഗ്രസ് നേതാക്കൾ രഹസ്യമായി ബി.ജെ.പി സ്ഥാനാർഥിക്കുവേണ്ടി ഇറങ്ങിയെങ്കിലും വിജയം എൽ.ഡി.എഫിനായിരുന്നു. രാവിലെ മുതൽ വൈകീട്ട് വരെ തൃത്തല്ലൂർ യു.പി സ്കൂളിലായിരുന്നു തെരഞ്ഞെടുപ്പ്. വോെട്ടണ്ണി രാത്രിയോടെയാണ് ഫലം വന്നത്. 1763 വോട്ടർമാരിൽ എൽ.ഡി.എഫ് സ്ഥാനാർഥികൾക്ക് 1265 മുതൽ 1337 വരെ വോട്ടുകൾ ലഭിച്ചു. എന്നാൽ, ബി.ജെ.പി നേതൃത്വം നൽകുന്ന മുന്നണി സ്ഥാനാർഥികൾക്ക് 270 മുതൽ 312 വോട്ടുകൾ വരെ മാത്രമാണ് ലഭിച്ചത്. അബ്ദുൽ ജബ്ബാർ, രാധ, മധു, വി.ആർ. മനോജ്, പി.കെ. പ്രേമരാജ്, ചന്ദ്രപ്രഭ, ശാന്തി ഭാസി, പി.കെ. ഹസൻ, പ്രസന്നൻ എന്നിവരാണ് വിജയിച്ചത്. വാസു, െഎ.കെ. സുദർശനൻ എന്നിവർ നേരത്തേ എതിർപ്പില്ലാതെ തെരഞ്ഞെടുക്കപ്പെട്ടിരുന്നു. സംഘർഷം ഉണ്ടാകുമെന്ന് കരുതി നൂറോളം പൊലീസ് തമ്പടിച്ചിരുന്നു. എൽ.ഡി.എഫ് പ്രകടനം നടത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.