നമസ്കാരപള്ളിക്കുനേരെ അതിക്രമം: ശ്രീരാംസേന അപലപിച്ചു തൃശൂർ: കൊടുങ്ങല്ലൂരിൽ മുസ്ലിം പള്ളിയിൽ കയറി 'ജയ് ശ്രീരാം' എഴുതിയതിൽ ശ്രീരാം സേന കേരള ഘടകം അപലപിച്ചു. മതസ്പർദ ഉണ്ടാക്കാനും ഹിന്ദുസമൂഹത്തെ കരിവാരിത്തേക്കാനും മാത്രമെ ഇത്തരം പ്രവർത്തനങ്ങൾകൊണ്ട് ഉപകരിക്കൂ എന്ന് സേന സംസ്ഥാന കമ്മിറ്റി വിലയിരുത്തി. ഹിന്ദു-മുസ്ലിം മതങ്ങളെ തമ്മിലടിപ്പിക്കാൻ മതപരിവർത്തന ലോബിയാണ് ഇത്തരം നീക്കം നടത്തിയതെന്ന് യോഗം സംശയം പ്രകടിപ്പിച്ചു. കേരള വർക്കിങ് പ്രസിഡൻറ് ബിജു മണികണ്ഠൻ, സെക്രട്ടറി സി.ജെ. കിഷൻ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.