പാവറട്ടി: സെൻറ് ജോസഫ്സ് ഹൈസ്കൂളിൽ ജൈവ സമൃദ്ധി പദ്ധതി മുരളി പെരുനെല്ലി എം.എൽ.എ ഉദ്ഘാടനം ചെയ്തു. മത്സ്യകൃഷി, ജൈവകൃഷി തോട്ടം, ജൈവ പന്തൽ, ഒൗഷധ ഉദ്യാനം, ശലഭോദ്യാനം എന്നിവയാണ് പദ്ധതി. പത്ത് സെൻറ് കുളത്തിൽ 3500ഒാളം മത്സ്യക്കുഞ്ഞുങ്ങളെ നിക്ഷേപിച്ചു. മാനേജർ ഫാ. ജോസ് ചിറ്റിലപ്പിള്ളി അധ്യക്ഷത വഹിച്ചു. മികച്ച അധ്യാപകന് ജില്ലയിൽ ഒന്നാം സ്ഥാനവും സംസ്ഥാന തലത്തിൽ മൂന്നാം സ്ഥാനവും കരസ്ഥമാക്കിയ ടി.ടി. പയസിനെ പി.ടി.എ പ്രസിഡൻറ് പി.കെ. രാജൻ ആദരിച്ചു. ഫാ.ജോഷി കണ്ണൂക്കാടൻ സംസാരിച്ചു. ഹെഡ്മാസ്റ്റർ വി.എസ്. സെബി സ്വാഗതവും സുരേഷ് ജോർജ് നന്ദിയും പറഞ്ഞു. എ.ഡി. തോമസ്, ജോബി ജോസ്, ജോ ഇമ്മാനുവേൽ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.