'ആദർശിന് മരണാനന്തര ബഹുമതി നൽകണം'

' പുള്ള്: പുള്ള് വടക്കേകുളത്തിൽ കുളിക്കുന്നതിനിടെ കുഴഞ്ഞുവീണ പാലമുറ്റത്ത് അജേഷിനെ രക്ഷിക്കുന്നതിനിടെ മരിച്ച പതിയത്ത് ആദർശിന് സർക്കാർ മരണാനന്തര ബഹുമതി നൽകണമെന്ന് പുള്ളിൽ ചേർന്ന സർവകക്ഷി അനുശോചനയോഗം ആവശ്യപ്പെട്ടു. അജേഷ് വെള്ളത്തിലേക്ക് താഴുന്നതു കണ്ടാണ് ആദർശ് രക്ഷിക്കാനിറങ്ങിയതെന്നാണ് ഒപ്പമുണ്ടായിരുന്ന കൂട്ടുകാരുടെ മൊഴി. അതേസമയം അജേഷി​െൻറ മൃതദേഹത്തോട് തൃശൂരിലെ സ്വകാര്യ ആശുപത്രി കാണിച്ച അനാദരവിന് ഉന്നത പൊലീസ് ഉദ്യോഗസ്ഥർക്കടക്കമുള്ളവർക്ക് പരാതി നൽകാനും യോഗം തീരുമാനിച്ചു. ചാഴൂർ ഗ്രാമ പഞ്ചായത്ത് വൈസ് പ്രസിഡൻറ് വി.ആർ.ബിജു അധ്യക്ഷത വഹിച്ചു. ഡി.സി.സി വൈസ് പ്രസി. ജോസ് വള്ളൂർ, വാർഡംഗം കെ.പരമേശ്വരൻ, കെ.എസ്.സന്ദീപ്, സി.എൽ. റോബർട്ട്, സി.ജെ.ജയ്സൺ,വി.വി.വിപിൻ എന്നിവർ സംസാരിച്ചു