ആമ്പല്ലൂർ: കള്ളായി റൂട്ടിലെ സ്വകാര്യ ബസുകൾ സ്ഥിരമായി അവസാന സർവിസ് മുടക്കുന്നതായി പരാതി. ദൂരസ്ഥലങ്ങളിൽ പോകുന്ന വിദ്യാർഥികളും യാത്രക്കാരും വലയുന്നു. ഓട്ടോയിൽ കിലോമീറ്ററുകളോളം യാത്രചെയ്ത് വീട്ടിലെത്തേണ്ട ഗതികേടിലാണ് ഇവർ. ആർ.ടി.ഒക്ക് രണ്ട് പ്രാവശ്യം പരാതി നൽകിയെങ്കിലും നടപടി എടുത്തില്ലെന്ന് നാട്ടുകാർ പറഞ്ഞു. വൈകീട്ട് 6.30ന് കള്ളായിയിൽനിന്ന് പുറപ്പെട്ട് തൃശൂരിൽനിന്ന് 8.15ന് തിരിച്ചുവരേണ്ട 'മാത' ബസും ഏഴിന് പുറപ്പെട്ട് 8.45ന് തിരിച്ചുവരേണ്ട 'വൃന്ദാവൻ' ബസുമാണ് ട്രിപ്പുകൾ മുടക്കുന്നത്. നേരേത്ത, പരാതിയുടെ അടിസ്ഥാനത്തിൽ ബസുടമകളും ജീവനക്കാരുമായും പൊലീസ് നടത്തിയ ചർച്ചയിൽ അവസാന ട്രിപ്പ് ഓടാമെന്ന് സമ്മതിച്ചെങ്കിലും രണ്ട് ദിവസത്തിനുശേഷം സർവിസ് നിർത്തി. തൃശൂരിൽനിന്ന് പുത്തൂർ വഴിയും കല്ലൂർ വഴിയും രണ്ട് കെ.എസ്.ആർ.ടി.സി ബസ് സർവിസുകൾ കള്ളായിയിലേക്ക് ഉണ്ടായിരുന്നെങ്കിലും അതും നിർത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.