തൃശൂർ: തൊഴിലും തൊഴിൽ ചെയ്തതിെൻറ വേതനവും നൽകാത്തതിൽ പ്രതിഷേധിച്ച് ഗ്രാമീണ തൊഴിലുറപ്പ് തൊഴിലാളി കോൺഗ്രസ് (െഎ.എൻ.ടി.യു.സി) ജില്ല കമ്മിറ്റി തൃശൂർ സ്പീഡ് പോസ്റ്റോഫിസിന് മുന്നിൽ ധർണ നടത്തി. ജില്ലയിൽ 86 പഞ്ചായത്ത് ഒാഫിസുകൾക്ക് മുന്നിലും ധർണ നടത്തുമെന്നും തൊഴിലുറപ്പ് പദ്ധതിയുടെ നിയമാവലി ഉള്ളടക്കം ചെയ്ത അവകാശ പത്രിക പഞ്ചായത്ത് സെക്രട്ടറിമാർക്ക് നൽകുമെന്നും ധർണ ഉദ്ഘാടനം ചെയ്ത െഎ.എൻ.ടി.യു.സി ജില്ല പ്രസിഡൻറ് സുന്ദരൻ കുന്നത്തുള്ളി പറഞ്ഞു. 15 ദിവസത്തിനകം പരിഹാരം ഉണ്ടായില്ലെങ്കിൽ ശക്തമായ പ്രക്ഷോഭത്തിന് നേതൃത്വം നൽകും. ജനറൽ സെക്രട്ടറി ടി.എം. കൃഷ്ണൻ അധ്യക്ഷത വഹിച്ചു. ഭാരവാഹികളായ രാജേന്ദ്രൻ അരങ്ങത്ത്, അനിൽ പുളിക്കൻ, എൻ.എ. സാബു, കെ.ആർ. ശ്രീനിവാസൻ, പ്രനില ഗിരീശൻ, ടി. നിർമല എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.