കൊണ്ടോട്ടി: തിരക്കഥാകൃത്തും സംവിധായകനുമായ അന്തരിച്ച ടി.എ. റസാഖിന് ജന്മനാടായ കൊണ്ടോട്ടിയിൽ മോയിൻകുട്ടി വൈദ്യർ മാപ്പിളകല അക്കാദമിയിൽ ഒരുക്കിയ സ്മാരകം ആഗസ്റ്റ് 15ന് വൈകീട്ട് 6.30ന് മന്ത്രി എ.കെ. ബാലൻ ഉദ്ഘാടനം ചെയ്യും. അദ്ദേഹത്തിെൻറ ഒന്നാം ചരമവാർഷിക ദിനം കൂടിയാണ് അന്ന്. സാംസ്കാരിക വകുപ്പ് അനുവദിച്ച 30 ലക്ഷം രൂപ ഉപയോഗിച്ചാണ് ടി.എ. റസാഖ് ഒാഡിയോ വിഷ്വൽ തിയറ്റർ നിർമിച്ചത്. മൾട്ടിപ്ലക്സ് സൗകര്യങ്ങളോടെയാണ് 60 സീറ്റുകളുള്ള മിനി തിയറ്റർ ഒരുക്കിയിരിക്കുന്നതെന്ന് അക്കാദമി സെക്രട്ടറി റസാഖ് പയമ്പ്രോട്ട് പറഞ്ഞു. അക്കാദമിയിൽ പഠനാവശ്യങ്ങൾക്ക് എത്തുന്നവർക്ക് മാപ്പിളകലകളെക്കുറിച്ചുള്ള ഡോക്യുമെൻററികൾ, പഴയ കാലത്തെ പാടിപ്പറയൽ, ലഭ്യമായിരിക്കുന്ന മറ്റ് ദൃശ്യങ്ങൾ എന്നിവ പ്രദർശിപ്പിക്കുന്നതിനാണ് തിയറ്റർ ഉപയോഗിക്കുക. ഫിലിം ഫെസ്റ്റിവലുകളുെട ഭാഗമായി സിനിമയും പ്രദർശിപ്പിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.