ചാലക്കുടി: മലയോരമേഖലയിലേക്കുള്ള പ്രധാന റോഡുകളിലൊന്നായ ട്രാംവേ റോഡ് തകര്ന്നത് യാത്രാദുരിതമാകുന്നു. മെയിന് റോഡില്നിന്ന് വാട്ടര് അതോറിറ്റി റോഡ് വരെയുള്ള ഭാഗത്ത് പലയിടത്തും വലിയ കുഴികളാണ്. വാട്ടര് അതോറിറ്റിയുടെ കണക്ഷന് പൈപ്പ് പൊട്ടി വിവിധ ഭാഗങ്ങളില് കുഴികള് രൂപപ്പെട്ടു. കനാല് എത്തുന്നതിനുമുമ്പും റോഡ് തകര്ന്നു. ഇതിനെതിരെ നാട്ടുകാരും യാത്രക്കാരും പല പ്രാവശ്യം പരാതിപ്പെട്ടെങ്കിലും പ്രയോജനമൊന്നുമുണ്ടായില്ല. വെള്ളിക്കുളം റോഡ്, ആനമല റോഡ്, ട്രാംവേ റോഡ് എന്നിവയാണ് ചാലക്കുടിയില്നിന്ന് മലയോരമേഖലയിലേക്കുള്ള പ്രധാന റോഡുകള്. ട്രാംവേ റോഡിലൂടെ ബസ് സര്വിസ് ഇല്ളെങ്കിലും ഗതാഗതത്തിരക്കേറെയാണ്. വെള്ളിക്കുളം റോഡിലൂടെയുള്ള തിരക്ക് കുറക്കാന് സഹായിക്കുന്ന റോഡാണിത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.