മാള: എളന്തിക്കര പി.ഡബ്ള്യു.ഡി റോഡില് പൊലീസ് കസ്റ്റഡിയിലെടുത്ത വാഹനങ്ങള് നിര്ത്തിയിട്ടത് ഗതാഗത തടസ്സമുണ്ടാക്കുന്നു. എക്സ്കവേറ്റര്, നിരവധി ടിപ്പര് ലോറികള് തുടങ്ങിയവ സര്ക്കിള് ഓഫിസിന് സമീപത്തെ വളവിലാണ് നിര്ത്തിയിട്ടിരിക്കുന്നത്. തിരക്കേറിയതും വീതികുറഞ്ഞതുമായ ഈ റോഡില് വലിയ വാഹനങ്ങള്ക്ക് പോകാന് ബുദ്ധിമുട്ടനുഭവപ്പെടുകയാണ്. പ്രദേശത്ത് അപകടങ്ങളും പതിവാണ്. വിദ്യാര്ഥികളുള്പ്പെടെ യുള്ള കാല്നടക്കാര്ക്കും വലിയ ഭീഷണിയാണ് ഇതിലൂടെയുള്ള യാത്ര. വാഹനങ്ങള് മാറ്റാന് നാട്ടുകാര് നിരവധി തവണ ആവശ്യപ്പെട്ടെങ്കിലും ഫലമൊന്നുമുണ്ടായില്ല. വാഹനങ്ങള് നിര്ത്താന് മറ്റ് സ്ഥലമില്ളെന്നാണ് പൊലീസ് പറയുന്ന കാരണം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.