കുന്നംകുളം: വീട്ടമ്മയായ റിട്ട. ഹെല്ത്ത് ജീവനക്കാരിയെ മാനഭംഗപ്പെടുത്താന് ശ്രമിച്ച മധ്യവയസ്ക്കന് കസ്റ്റഡിയില്. ആനായ്ക്കല് ചെമ്മണ്ണൂര് മൂല ബസാറില് ചന്ദ്രനെയാണ് (58) കുന്നംകുളം പൊലീസ് കസ്റ്റഡിയിലെടുത്തത്. ചെമ്മണ്ണൂര് പാണപറമ്പില് സ്വദേശിനിയായ 68കാരിയുടെ പരാതിയിലാണ് നടപടി. ഭര്ത്താവ് മരിച്ച ശേഷം തനിച്ചാണ് വീട്ടില് കഴിഞ്ഞിരുന്നത്. വീടിന്െറ മേല്ക്കൂരയിലുണ്ടായിരുന്ന ടാര്പോളിന് മാറ്റാനാണ് കൂലിപ്പണിക്കാരനായ ചന്ദ്രനെ വരുത്തിയത്. കയറിപ്പിടിച്ചപ്പോള് വീട്ടമ്മ ബഹളംവെച്ചു. ഇറങ്ങിപ്പോയ ഇയാള്ക്കെതിരെ പിന്നീട് പൊലീസ് സ്റ്റേഷനില് പരാതി നല്കി. രാത്രിയോടെ പ്രതിയെ കസ്റ്റഡിയിലെടുത്തു. പിന്നീട് ഇയാളെ വൈദ്യപരിശോധനക്ക് വിധേയമാക്കി. രണ്ടുദിവസം മുമ്പാണ് കേസിനാസ്പദ സംഭവം നടന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.