തൃശൂര്: വിദ്യാര്ഥികള്ക്ക് കഞ്ചാവ് വില്ക്കുന്ന സംഘത്തിലെ നാല് കൗമാരപ്രായക്കാരെ എക്സൈസ് അധികൃതര് അറസ്റ്റ് ചെയ്തു. ഇവരില്നിന്ന് 150ഓളം കഞ്ചാവ് പൊതി കണ്ടെടുത്തു. ജിതിന്, വാജി കൃഷ്ണന്, മിഥോഷ്, സുജിന് എന്നിവരാണ് അറസ്റ്റിലായത്. നാലുപേരും 20 വയസ്സില് താഴെയുള്ളവരാണ്.പൊതി 500 രൂപക്കാണ് വിറ്റിരുന്നതെന്ന് എക്സൈസ് പറഞ്ഞു. കോഡ് പറഞ്ഞ് ഫോണിലൂടെ ബന്ധപ്പെടുന്നവര്ക്കാണ് കഞ്ചാവ് എത്തിക്കുന്നത്. പെണ്കുട്ടികളടക്കം കഞ്ചാവ് വാങ്ങാറുണ്ടെന്ന് ചോദ്യം ചെയ്യലില് ഇവര് പറഞ്ഞു. കമ്പം, തേനി ഭാഗങ്ങളില്നിന്നും മൊത്തവിതരണക്കാര് വഴിയാണ് ഇവര്ക്ക് കഞ്ചാവ് കിട്ടുന്നത്. കോലഴി എക്സൈസ് റേഞ്ച് ഇന്സ്പെക്ടര് വി.ആര്. ദേവദാസ്, അസി. ഇന്സ്പെക്ടര് എം. കലാധരന്, പ്രിവന്റീവ് ഓഫിസര്മാരായ ശിവശങ്കരന്, വിപിന്, സിവില് എക്സൈസ് ഓഫിസര്മാരായ സുരേന്ദ്രന്, മോഹനന്, സുധീര്, കൃഷ്ണപ്രസാദ്, ഡിക്സന്, ജോസ് ഗോപന്, സിജന് എന്നിവര് ചേര്ന്നാണ് ഇവരെ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.