തൃശൂര്: അത്തേക്കാട് സ്വപ്നഭൂമിയിലേക്ക് പാലം നിര്മിക്കാന് 10 ലക്ഷം അനുവദിച്ചെന്ന പി.കെ. ബിജു എം.പിയുടെ പ്രസ്താവന കോലഴി നിവാസികളെ അപഹസിക്കുന്നതാണെന്ന് ഗ്രാമപഞ്ചായത്ത് പ്രസിഡന്റ് ഷീബ സുരേഷും വൈസ് പ്രസിഡന്റ് എന്.എ. സാബുവും വാര്ത്താസമ്മേളനത്തില് ആരോപിച്ചു. പഞ്ചായത്ത് ആറാം വാര്ഡിലെ സ്വപ്നഭൂമിയിലേക്ക് കനാല്പാലം നിര്മിക്കാനുള്ള പദ്ധതി സ്ഥലം എം.എല്.എ കൂടിയായ മന്ത്രി സി.എന്. ബാലകൃഷ്ണന് മുഖേന ഇറിഗേഷന് വകുപ്പിന്െറ വാര്ഷികപദ്ധതിയില്പെടുത്തി ഭരണാനുമതിക്കായി സര്ക്കാറിന്െറ പരിഗണനയിലിരിക്കുമ്പോഴാണ് ജനങ്ങളെ തെറ്റിദ്ധരിപ്പിക്കുന്ന പ്രസ്താവന എം.പി നടത്തിയത്. പഞ്ചായത്തിന്െറ ആവശ്യങ്ങള്ക്കായി നിരവധി നിവേദനം സമര്പ്പിച്ചിട്ടും ഒരു രൂപ പോലും എം.പി അനുവദിച്ചിട്ടില്ല. രാഷ്ട്രീയം മാറ്റിവെച്ച് ഇനിയെങ്കിലും വികസന പ്രവര്ത്തനങ്ങളില് പങ്കാളിയാകാന് എം.പി മുന്നോട്ടു വരണമെന്നും പഞ്ചായത്ത് ഭാരവാഹികള് ആവശ്യപ്പെട്ടു. അംഗങ്ങളായ ഇന്ദിര മുകുന്ദന്, പി.എ. ലോനപ്പന് എന്നിവരും പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.