പീച്ചി: ഓണക്കാലത്ത് പീച്ചി വിനോദ സഞ്ചാര കേന്ദ്രത്തില് റെക്കോര്ഡ് വരുമാനം. തിരുവോണം അടക്കം മൂന്നു ദിവസങ്ങളില് 3.10 ലക്ഷം രൂപയാണ് സഞ്ചാരികളില്നിന്ന് കിട്ടിയത്. വെള്ളം കുറവായതിനാല് ഡാമിന്െറ ഷട്ടര് തുറക്കാതിരുന്നിട്ടും ഇത്രയധികം സഞ്ചാരികള് എത്തുന്നത് അപൂര്വമാണ്. തിരുവോണനാളിലും തുടര്ന്നുള്ള രണ്ട് ദിവസങ്ങളിലും 90,000 രൂപ വീതമായിരുന്നു വരുമാനം. സാധാരണ ദിവസങ്ങളില് ശരാശരി 13,000 രൂപ ലഭിക്കുന്നിടത്താണിത്. ഓണത്തിന് മുമ്പ് തുടങ്ങിയ ബോട്ടിങ്ങിന് നല്ല തിരക്കായിരുന്നു. രാവിലെ 10 മുതല് അഞ്ച് വരെ മാത്രമായതിനാല് പലര്ക്കും അവസരം കിട്ടിയില്ല. 10 തവണ ബോട്ടിങ് നടത്താനെ സാധിച്ചുള്ളൂ. സഞ്ചാരികളെ ആകര്ഷിക്കാന് കായിക മത്സരം ഒരുക്കുകയും പ്രവര്ത്തന സമയം കൂട്ടുകയും ചെയ്തിരുന്നു. ഓണം ദിവസങ്ങളില് രാവിലെ എട്ട് മുതല് രാത്രി എട്ടു വരെയായിരുന്നു പ്രവര്ത്തനം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.