വാടാനപ്പള്ളി: സിഗ്നല് ലൈറ്റ് ഇല്ലാത്ത പത്താംകല്ല് മരണവളവില് രാത്രി മൂന്ന് കണ്ടെയ്നറുകള് കൂട്ടിയിടിച്ച് ഒന്ന് തോട്ടിലേക്ക് മറിഞ്ഞു. ഡ്രൈവര്ക്ക് പരിക്കില്ല. തിങ്കളാഴ്ച രാത്രി 12.30ഓടെയായിരുന്നു അപകടം. വാടാനപ്പള്ളി ഭാഗത്തുനിന്ന് വന്ന കണ്ടെയ്നര് വളവില് വലതുഭാഗം വഴി വന്നതോടെ തൃപ്രയാര് ഭാഗത്തുനിന്നുവന്ന കണ്ടെയ്നര് ഇടിക്കാതിരിക്കാന് ഇടത്തോട്ട് വെട്ടിച്ചു. ഇതോടെ കണ്ടെയ്നര് വാഹനത്തില് തട്ടി റോഡരികിലെ കാനയിലേക്ക് മറിയുകയായിരുന്നു. ഭിത്തിയും സ്വകാര്യ വ്യക്തിയുടെ മതിലും തകര്ന്നു. മറിഞ്ഞ ലോറിയുടെ ബോക്സ് പറമ്പിലേക്ക് തെറിച്ചുവീണു. റോഡരികെ കിടന്ന ലോറിയുടെ പിന്വശത്ത് മറ്റൊരു കണ്ടെയ്നറും ഇടിച്ചു. അപകടത്തില് മൂന്നു ലോറികളും തകര്ന്നു. പത്താംകല്ല് വളവില് രാത്രി സ്ഥിരം അപകടമാണ്. വളവില് രാത്രി വാഹനങ്ങള് മറിയുകയാണ് അപകടം വര്ധിച്ചതോടെ രാത്രി ദിശയറിയാന് തളിക്കുളം ബ്ളോക് പഞ്ചായത്ത് നേരത്തെ വളവില് സിഗ്നല് ലൈറ്റ് സ്ഥാപിച്ചിരുന്നെങ്കിലും ലോറിയിടിച്ച് തകര്ന്നു. ഇതോടെ രാത്രിയില് പ്രദേശം ഇരുട്ടിലാണ്. സിഗ്നല് വിളക്ക് ഇല്ലാത്തതോടെയാണ് വളവില് അപകടം വര്ധിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.