കോന്നി: താലൂക്ക് ആശുപത്രി ക്വാർട്ടേഴ്സിന് സമീപത്തെ മാലിന്യക്കൂമ്പാരം അടിയന്തരമായി നീക്കംചെയ്യാൻ ഇടപെടൽ. താലൂക്ക് ആശുപത്രി ഓഫിസിന് പിറകുവശത്താണ് പ്ലാസ്റ്റിക് മാലിന്യം ഭക്ഷണാവശിഷ്ടങ്ങൾ എന്നിവ അലക്ഷ്യമായി തള്ളിയിരിക്കുന്നത്. ഇതുസംബന്ധിച്ച് വാർത്ത വെള്ളിയാഴ്ച ‘മാധ്യമം’ റിപ്പോർട്ട് ചെയ്തിരുന്നു. വാർത്ത ശ്രദ്ധയിൽപെട്ട കോന്നി ബ്ലോക്ക് പഞ്ചായത്ത് പ്രസിഡൻറ് കോന്നിയൂർ പി.കെ. വെള്ളിയാഴ്ച രാവിലെ ആശുപത്രിയിലെത്തി മാലിന്യം കുമിഞ്ഞുകൂടിക്കിടക്കുന്ന സ്ഥലം സന്ദർശിച്ചു. ഇദ്ദേഹത്തോടൊപ്പം ആശുപത്രി സൂപ്രണ്ടും ഉണ്ടായിരുന്നു. പിന്നീട് കോന്നി ഗ്രാമപഞ്ചായത്ത് പ്രസിഡൻറ് എം. രജനിയുമായി ഫോണിൽ ബന്ധപ്പെട്ട് താലൂക്ക് ആശുപത്രി പരിസരത്ത് കുമിഞ്ഞുകൂടിയിരിക്കുന്ന മാലിന്യം കോന്നി നാരായണപുരം ചന്തയിലെ മാലിന്യസംസ്കരണ പ്ലാൻറിലേക്ക് മാറ്റി സംസ്കരിക്കാൻ ധാരണയായി. ഇനിയും താലൂക്ക് ആശുപത്രി പരിസരത്ത് മാലിന്യം നിക്ഷേപിക്കരുതെന്ന് നിർദേശവും നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.