ചിറ്റൂർ: സി.പി.എം പ്രവർത്തകനെ വെട്ടിപ്പരിക്കേൽപ്പിച്ച കേസിൽ രണ്ട് ബി.ജെ.പി പ്രവർത്തകർ പിടിയിൽ. പാട്ടികുളം സ്വദേശികളായ മണികണ്oൻ (40), ജയപ്രകാശൻ (37), എന്നിവരെയാണ് കഴിഞ്ഞദിവസം രാത്രി 11 ഒാടെ മീനാക്ഷിപുരം പൊലീസ് പിടികൂടിയത്. പെരുമാട്ടി ഗ്രാമപഞ്ചായത്ത് വൈസ് പ്രസിഡൻറ് രാജി പ്രഭാകരെൻറ ഭർത്താവും സി.പി.എം പാട്ടികുളം ബ്രാഞ്ചംഗവുമായ പ്രഭാകരനാണ് (38) വെട്ടേറ്റത്. ചൊവ്വാഴ്ച്ച രാത്രി പേത്താടെ പാട്ടികുളത്താണ് സംഭവം. പ്രഭാകരനെ സമീപവാസികൾ വിളയോടിയിലെ സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു. രാഷ്ട്രീയ വൈരാഗ്യമാണ് അക്രമണത്തിന് കാരണമെന്ന് പൊലീസ് പറഞ്ഞു. എന്നാൽ, സംഭവത്തിൽ ദുരൂഹതയുണ്ടെന്നും പ്രതിയായ ജയപ്രകാശനെ മൂന്നുവർഷം മുമ്പ് വെട്ടിയ സംഭവത്തിൽ പ്രതിയാണ് പ്രഭാകരനെന്നും ഇതുമായി ബന്ധപ്പെട്ട അനുരഞ്ജന ശ്രമം നടക്കാതായതോടെ കേസിൽ കുടുക്കാനാണ് ശ്രമിക്കുന്നതെന്നും പ്രാദേശിക ബി.ജെ.പി നേതൃത്വം ആരോപിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.