പട്ടാമ്പി: മാർക്കറ്റ് റോഡിൽ യുവാവിനെ വെട്ടിയ കേസിൽ ഒരാൾകൂടി അറസ്റ്റിൽ. പട്ടാമ്പി കൊണ്ടൂർക്കര മാച്ചാംപുള്ളി ജാഫറിനെ (29) ആണ് സി.ഐ പി.എസ്. സുരേഷ് അറസ്റ്റ് ചെയ്തത്. കേസിലെ മറ്റ് പ്രതികളായ സഹീർ (28), നസീഫ് (29) എന്നിവർ നേരത്തെ പിടിയിലായിരുന്നു. പട്ടാമ്പി മാർക്കറ്റ് റോഡിലുള്ള കടയിൽ ജോലി ചെയ്യുന്ന ആലിക്കപ്പറമ്പ് സ്വദേശിയായ പന്തംവീട്ടിൽ സജീഷിനെയാണ് ബൈക്കിൽ എത്തിയ സംഘം ആക്രമിച്ചത്. എസ്.ഡി.പി.െഎ പ്രവർത്തകനായ നസീഫിനെ കഴിഞ്ഞ മാസം റെയിൽവേ സ്റ്റേഷൻ പരിസരത്തു വെച്ച് കുത്തിയ കേസിൽ ജാമ്യത്തിൽ ഇറങ്ങിയതായിരുന്നു സജീഷ്. പട്ടാമ്പി സി.ഐ പി.എസ്. സുരേഷിെൻറ നേതൃത്വത്തിലുള്ള അന്വേഷണ സംഘം മാർക്കറ്റ് റോഡിലും പരിസരത്തും തെളിവെടുപ്പ് നടത്തി. പ്രതികൾ ഉപയോഗിച്ച മോട്ടോർ സൈക്കിൾ പൊലീസ് കണ്ടെടുത്തു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.