പത്തിരിപ്പാല: ദേശീയ ഗ്രാമീണ തൊഴിലുറപ്പ് പദ്ധതിക്കും റോഡുകൾക്കും ഊന്നൽ നൽകി മണ്ണൂർ പഞ്ചായത്ത് ബജറ്റ് അവതരിപ്പിച്ചു. തൊഴിലുറപ്പ് പദ്ധതിക്ക് രണ്ട് കോടി അമ്പത് ലക്ഷം, കുടിവെള്ള മേഖലക്ക് 68 ലക്ഷം, റോഡുകൾക്ക് ഒരു കോടി മൂന്ന് ലക്ഷം, അംഗൻവാടി പോഷകാഹാരം 17 ലക്ഷം, ഭവനനിർമാണം 36 ലക്ഷം, വീട് അറ്റകുറ്റപ്പണി 15 ലക്ഷം, കാർഷിക മൃഗസംരക്ഷണം 18 ലക്ഷം, കളിസ്ഥലം വാങ്ങുന്നതിന് 20 ലക്ഷം എന്നിങ്ങനെ നീക്കിവെച്ചു. 13,17, 25,427 രൂപ വരവും 11,97,45,000, രൂപ ചെലവും 1,19,80,427 രൂപ മിച്ചവും കാണിക്കുന്ന ബജറ്റ് വൈസ് പ്രസിഡൻറ് ശാന്തകുമാരി അവതരിപ്പിച്ചു. പഞ്ചായത്ത് പ്രസിഡൻറ് ഒ.വി. സ്വാമിനാഥൻ, സത്യജിത്, ശിവപ്രകാശ്, അനിത, അൻവർ സാദിക്, ദിവാകരൻ എന്നിവർ സംസാരിച്ചു. പഞ്ചായത്ത് സെക്രട്ടറി ഗോപിനാഥ് നന്ദി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.