കല്ലടിക്കോട്: കരിമ്പ ഗ്രാമപഞ്ചായത്തിലെ കുടുംബശ്രീ വായ്പ തട്ടിപ്പില് ആരോപണ വിധേയയായ 15ാം വാര്ഡ് മെംബര് രാജിവെക്കണമെന്ന് ആവശ്യപ്പെട്ട് സി.പി.ഐ കരിമ്പ ലോക്കല് കമ്മിറ്റി കരിമ്പ ഗ്രാമപഞ്ചായത്ത് ഓഫിസിലേക്ക് മാര്ച്ച് നടത്തി. പഞ്ചായത്ത് കവാടത്തിനരികെ മാര്ച്ച് പൊലീസ് തടഞ്ഞു. ചെമ്പന്തിട്ടയില്നിന്ന് പ്രകടനമായാണ് പ്രവര്ത്തകര് മാര്ച്ചിനത്തെിയത്. കോങ്ങാട് നിയോജക മണ്ഡലം സി.പി.ഐ സെക്രട്ടറി പൊറ്റശ്ശേരി മണികണ്ഠന് മാര്ച്ച് ഉദ്ഘാടനം ചെയ്തു. സി.പി.ഐ കരിമ്പ ലോക്കല് സെക്രട്ടറി കെ. രാധാകൃഷ്ണന് അധ്യക്ഷത വഹിച്ചു. സി.പി.ഐ ജില്ലാ കമ്മിറ്റിയംഗം പി. ശിവദാസന്, മണ്ഡലം എക്സിക്യൂട്ടിവ് അംഗം കെ.വി. ജയപ്രകാശ്, വി.കെ. ശിവാനന്ദന്, ഓമനക്കുട്ടന് എന്നിവര് സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.