പാലക്കാട്: ജില്ല പഞ്ചായത്തിെൻറ നേതൃത്വത്തിൽ സംഘടിപ്പിച്ച ജില്ലാതല കേരളോത്സവം സമാപിച്ചു. കലാമത്സരങ്ങളിൽ ശ്രീകൃഷ്ണപുരം–മണ്ണാർക്കാട് ബ്ലോക്ക് പഞ്ചായത്തുകൾ ഒന്നാം സ്ഥാനത്തെത്തി. മലമ്പുഴ ബ്ലോക്ക് പഞ്ചായത്ത് രണ്ടാം സ്ഥാനത്തും പാലക്കാട് നഗരസഭ മൂന്നാംസ്ഥാനത്തുമെത്തി. മണ്ണാർക്കാട് ബ്ലോക്കിലെ രാജീവാണ് കലാപ്രതിഭ, ചിറ്റൂർ–തത്തമംഗലം നഗരസഭയിലെ അഞ്ജന പ്രമോദ് കലാതിലകമായി. ഗ്രാമ–ബ്ലോക്ക് പഞ്ചായത്ത് തലങ്ങളിൽ പങ്കെടുത്ത് വിജയിച്ചവരാണ് മത്സരിച്ചത്. മലമ്പുഴ പഞ്ചായത്ത് കമ്യൂണിറ്റി ഹാളിലും മലമ്പുഴ ഐ.ടി.ഐയിലുമായി സജ്ജീകരിച്ച ആറ് വേദികളിൽ നാടോടിപ്പാട്ട്, നാടോടിനൃത്തം, കോൽക്കളി, ഏകാംഗ നാടകം, മാപ്പിളപ്പാട്ട്, ഒപ്പന, ദഫ്മുട്ട്, വട്ടപ്പാട്ട്, തിരുവാതിരക്കളി, പ്രസംഗം, കഥാപ്രസംഗം, മിമിക്രി, മോണോ ആക്ട് തുടങ്ങിയ 37 ഇനം മത്സരങ്ങൾ നടന്നു. 13 ഇന കായിക മത്സരങ്ങൾ മുട്ടിക്കുളങ്ങര കെ.എ.പി ഗ്രൗണ്ട്, മുട്ടിക്കുളങ്ങര കെ.എ.പി (രണ്ട്) ബറ്റാലിയൻ ഗ്രൗണ്ട്, റെയിൽവേ ഇൻസ്റ്റിറ്റ്യൂട്ട്, യുവക്ഷേത്ര ഗ്രൗണ്ട് മുണ്ടൂർ, നെന്മാറ ക്ഷേത്രക്കുളം, പാലക്കാട് ഇൻഡോർ സ്റ്റേഡിയം, സി.ബി.കെ.എം ഹയർ സെക്കൻഡറി സ്കൂൾ എന്നിവിടങ്ങളിലാണ് നടന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.