ഇരിങ്ങാലക്കുട: നടവരമ്പിലെ വീട്ടില്നിന്ന് 40 പവന് സ്വര്ണാഭരണങ്ങളും പണവും മോഷണം പോയി. മുകുന്ദപുരം സ്വദേശി കൈതയില് ഭവാനിയുടെ വീട്ടിലെ അലമാരിയില് സൂക്ഷിച്ച സ്വര്ണാഭരണങ്ങളും 2000 രൂപയുമാണ് നഷ്ടപ്പെട്ടത്. മോഷണത്തിന് പിന്നില് തമിഴ് നാടോടി സ്ത്രീകളാണെന്ന് സംശയിക്കുന്നു. തിങ്കളാഴ്ച വൈകീട്ട് ഇവരുടെ വീട്ടില് ഭക്ഷണം ആവശ്യപ്പെട്ട് മൂന്ന് നാടോടികള് എത്തിയിരുന്നു. ഭവാനിയുടെ മകള് ഇവര്ക്ക് ഭക്ഷണം നല്കുകയും ചെയ്തു. രാത്രി അലമാര പരിശോധിച്ചപ്പോഴാണ് ആഭരണവും രൂപയും നഷ്ടപ്പെട്ട വിവരം അറിഞ്ഞത്. അടുക്കള വാതില് വഴി അകത്തുകയറിയാണ് മോഷണം നടത്തിയതെന്ന് സംശയിക്കുന്നതായി പൊലീസ് പറഞ്ഞു. ഇരിങ്ങാലക്കുട ഡിവൈ.എസ്.പി സുരേഷ് കുമാറിന്െറ നേതൃത്വത്തിലുള്ള പൊലീസ് സംഘം അന്വേഷണം ആരംഭിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.