പാലക്കാട്: തദ്ദേശ തെരഞ്ഞെടുപ്പിന് മുന്നോടിയായി നഗരസഭയിലെ സംവരണ വാര്ഡുകള് പുതുക്കി നിശ്ചയിച്ചപ്പോള് പല പ്രമുഖര്ക്കും വാര്ഡുകള് നഷ്ടമായി. പാലക്കാട് നഗരസഭാ മുന് ചെയര്മാന് എം. അബ്ദുല് ഖുദ്ദൂസ് പ്രതിനിധീകരിക്കുന്ന കുന്നത്തൂര്മേട് സൗത് വാര്ഡ് എസ്.സി വനിത സംവരണമായി. ചെയര്മാന് പി.വി. രാജേഷ് (കല്ളേപ്പുള്ളി സൗത്), സ്റ്റാന്ഡിങ് കമ്മിറ്റി ചെയര്മാന്മാരായ സി. കൃഷ്ണകുമാര് (അയ്യപ്പുരം വെസ്റ്റ്) കെ. ഭവദാസ് (കല്ളേപ്പുള്ളി സൗത്) ബി.ജെ.പി പാര്ലമെന്ററി പാര്ട്ടി നേതാവ് എന്. ശിവരാജന് (മേലാമുറി) എന്നിവരുടെ വാര്ഡുകള് വനിതാ സംവരണമായി. ഷൊര്ണൂര് നഗരസഭയിലേക്ക് എം.ആര്. മുരളി മത്സരിച്ച 31ാം വാര്ഡായ അന്തിമഹാകാളന് ചിറ വനിതാ സംവരണമായി. ഷൊര്ണൂര് നഗരസഭ ചെയര്മാന് എസ്. കൃഷ്ണദാസിന്െറ വാര്ഡായ ഗണേഷ്ഗിരി പട്ടികജാതി വനിത സംവരണവും കെ.പി.സി.സി സെക്രട്ടറി വി.കെ. ശ്രീകണ്ഠന് വിജയിച്ച ടൗണ് വെസ്റ്റ് വനിത സംവരണവുമായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.