ഷൊർണൂർ: ഇടതുപക്ഷ സർക്കാർ വാഗ്ദാനം ചെയ്യുന്ന സ്ത്രീ സുരക്ഷ സ്ത്രീ പീഡനമാണെന്ന് യൂത്ത് കോൺഗ്രസ് സംസ്ഥാന പ്രസിഡൻറ് ഡീൻ കുര്യാക്കോസ്. ഭരണകക്ഷിയിൽപെട്ട സ്ത്രീകൾക്ക് പോലും രക്ഷയില്ലാത്ത അവസ്ഥയാണ്. പ്രതികൾ ഭരണകക്ഷിയിൽപെട്ടവരായാൽ കേസ് തേച്ചുമായ്ക്കാനുള്ള ശ്രമമാണ് നടക്കുന്നത്. പി.കെ. ശശി എം.എൽ.എക്കെതിരെ കേസെടുക്കണമെന്നാവശ്യപ്പെട്ട് യൂത്ത് കോൺഗ്രസ് പാലക്കാട് ലോക്സഭ മണ്ഡലം കമ്മിറ്റി ഷൊർണൂർ ഡിവൈ.എസ്.പി ഓഫിസിലേക്ക് നടത്തിയ മാർച്ച് ഉദ്ഘാടനം ചെയ്യുകയായിരുന്നു അദ്ദേഹം. എന്തിനും ഏതിനും വാളെടുക്കുന്ന ഡി.വൈ.എഫ്.ഐക്ക് ഇപ്പോൾ മിണ്ടാട്ടമില്ല. മഹിള നേതാക്കളെ മഷിയിട്ട് നോക്കിയിട്ടുപോലും കാണാനില്ലെന്നും അദ്ദേഹം കൂട്ടിച്ചേർത്തു. ഷൊർണൂർ പൊതുവാൾ ജങ്ഷനിൽ നിന്ന് ആരംഭിച്ച മാർച്ച് ബസ് സ്റ്റാൻഡിന് സമീപമുള്ള സെൻറ് ആൻറണീസ് ചർച്ചിനു മുന്നിൽ പൊലീസ് തടഞ്ഞു. ഷൊർണൂർ ഡിവൈ.എസ്.പി മുരളീധരെൻറ നേതൃത്വത്തിൽ വൻ പൊലീസ് സന്നാഹം സ്ഥലത്ത് നിലയുറപ്പിച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.