തിരുവനന്തപുരം: ഡി.വൈ.എഫ്.ഐ നേതാവ് ആർ.എൽ. ജീവൻലാൽ എം.എൽ.എ ഹോസ്റ്റലിൽ യുവതിയെ പീഡിപ്പിക്കാൻ ശ്രമിച്ചെന്ന പരാതിയിൽ മ്യൂസിയം പൊലീസ് എഫ്.ഐ.ആർ രജിസ്റ്റർ ചെയ്തു. നേരേത്ത പെൺകുട്ടിയുടെ പരാതിയിൽ കാട്ടൂർ പൊലീസ് കേസെടുത്തെങ്കിലും സംഭവം നടന്നത് എം.എൽ.എ ഹോസ്റ്റലിലായതിനാൽ കേസ് രജിസ്റ്റർ മ്യൂസിയം പൊലീസിന് കൈമാറുകയായിരുന്നു. വീണ്ടും എഫ്.ഐ.ആർ ഇട്ട സ്ഥിതിക്ക് പെൺകുട്ടിയിൽ നിന്ന് പൊലീസ് വീണ്ടും മൊഴിയെടുക്കും. കേസ് സംബന്ധിച്ച് ചർച്ച ചെയ്യുന്നതിന് ശനിയാഴ്ച സിറ്റി പൊലീസ് കമീഷണറുടെ നേതൃത്വത്തിൽ ഉന്നതതല യോഗം ചേരും. ഇതിന് ശേഷമായിരിക്കും അന്വേഷണം തീരുമാനിക്കുക. വിവാദ കേസായതുകൊണ്ട് പ്രത്യേക അന്വേഷണസംഘത്തെ നിയമിക്കാനും സാധ്യതയുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.