നിലമ്പൂർ: പ്രളയബാധിത മേഖലകളിൽ അടിയന്തരമായി ചെയ്യേണ്ട കാര്യങ്ങൾ നേരിൽകണ്ട് വിലയിരുത്തുന്നതിെൻറ ഭാഗമായി ജില്ല പഞ്ചായത്ത് പ്രസിഡൻറ് എ.പി. ഉണ്ണികൃഷ്ണെൻറ നേതൃത്വത്തിലുള്ള സംഘം ചാലിയാർ പഞ്ചായത്തിൽ സന്ദർശനം നടത്തി. ജില്ല പഞ്ചായത്ത് ഫണ്ടുപയോഗിച്ച് അടിയന്തര പ്രവൃത്തി ചെയ്യുന്നതിന് കഴിഞ്ഞ ബോർഡ് യോഗത്തിൽ തീരുമാനം കൈക്കൊണ്ടിരുന്നു. ഇതിനായി പ്രത്യേക സമിതിക്ക് രൂപം നൽകിയിരുന്നു. ഉരുൾപൊട്ടലുണ്ടായ ചെട്ടിയംപാറയിലും മലവെള്ളത്തിൽ വീടുകളും പുരയിടങ്ങളും നഷ്ടമായ മതിൽമൂല, നമ്പൂരിപൊട്ടി എന്നിവിടങ്ങളിലുമാണ് സന്ദർശനം നടത്തിയത്. വികസന സ്റ്റാൻഡിങ് കമ്മിറ്റി ചെയർമാൻ ഉമ്മർ അറക്കൽ, സെക്രട്ടറി പി.വി. മേനോൻ, ജില്ല പഞ്ചായത്ത് അംഗങ്ങളായ ഇസ്മായിൽ മൂത്തേടം, ഷേർളി വർഗീസ്, ചാലിയാർ ഗ്രാമപഞ്ചായത്ത് പ്രസിഡൻറ് പി.ടി. ഉസ്മാൻ എന്നിവരും സംഘത്തിലുണ്ടായിരുന്നു. സംഘം കരുവാരകുണ്ട് പ്രളയബാധിത മേഖലയിലും സന്ദർശനം നടത്തി. പടം:3 ജില്ല പഞ്ചായത്ത് പ്രസിഡൻറ് എ.പി. ഉണ്ണികൃഷ്ണെൻറ നേതൃത്വത്തിലുള്ള സംഘം ചാലിയാറിലെ മതിൽമൂല കോളനിയിൽ സന്ദർശനം നടത്തുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.