അരച്ചാൺ വയറിന്​ ചുവർചിത്രമൊരുക്കി സദാനന്ദ​െൻറ ജീവിതയാത്ര

തിരൂരങ്ങാടി: വിശപ്പടക്കാൻ ആരുടെ മുന്നിലും യാചിക്കാൻ തിരുവനന്തപുരം സ്വദേശി സദാനന്ദൻ തയാറല്ല. തനിക്കറിയാവുന്ന തൊഴിൽ തേടി അലയാറുമില്ല. ജീവിതയാത്രക്കിടെ വഴിയോരങ്ങളിൽ കാണുന്ന ചുവരുകളിൽ വർണചിത്രമൊരുക്കുകയാണ് സദാനന്ദ​െൻറ വിനോദം. കല്ലും, ചോക്കും, പച്ചിലകളും മറ്റുമുപയോഗിച്ചാണ് നിമിഷനേരം കൊണ്ട് ചുവരുകളിൽ വർണവിസ്മയം തീർക്കുന്നത്. വര തുടങ്ങിയാൽ ആളുകളും ചുറ്റും കൂടും. വേഷം കണ്ടാൽ കൂടിനിൽക്കുന്ന ആരുമൊന്ന് പകച്ചുപോകുമെങ്കിലും ഇദ്ദേഹത്തി​െൻറ മനസ്സി​െൻറ നന്മയാണ് ചുവർചിത്രങ്ങളിൽ തെളിയുന്നത്. ഞായറാഴ്ച ചെമ്മാട് ടൗണിൽ ബസ്സ്റ്റാൻഡിന് എതിർവശത്തുള്ള നഗരസഭയുടെ പൊളിച്ചുനീക്കുന്ന ഷോപ്പിങ് കോംപ്ലക്സി​െൻറ ചുവരിലാണ് പ്രകൃതിഭംഗി ത​െൻറ കരവിരുതിനാൽ സദാനന്ദൻ വരച്ചിട്ടത്. കാഴ്ചക്കാരായി കൂടിനിൽക്കുന്നവർ ത​െൻറ മനസ്സുകണ്ട് എന്തെങ്കിലും നൽകിയാൽ അത് ഇരുകൈയും നീട്ടി സ്വീകരിക്കും. അതാണ് സദാനന്ദ​െൻറ സന്തോഷവും. ഫോട്ടോ:TGI CHEMMAD SADHANANTHAN CHUMAR CHITHRAM, 2 ചെമ്മാട് ടൗണിൽ പൊളിച്ചുനീക്കുന്ന ഷോപ്പിങ് കോംപ്ലക്സി​െൻറ ചുവരിൽ സദാനന്ദൻ ചിത്രം വരക്കുന്നു