ന്യൂഡൽഹി: പുതിയ കാറുകൾക്കും ഇരുചക്ര വാഹനങ്ങൾക്കും തേർഡ് പാർട്ടി ഇൻഷുറൻസ് ദീർഘകാല പ്രീമിയം നടപ്പാക്കുന്നത് നീട്ടണമെന്ന ആവശ്യം സുപ്രീംകോടതി തള്ളി. പുതുതായി വാങ്ങുന്ന കാറുകൾക്ക് മൂന്നുവർഷത്തേക്കും ഇരുചക്ര വാഹനങ്ങൾക്ക് അഞ്ചു വർഷത്തേക്കും ഒന്നിച്ച് തേർഡ് പാർട്ടി ഇൻഷുറൻസ് പ്രിമിയം അടക്കണമെന്ന നിയമം ഇന്നുമുതലാണ് പ്രാബല്യത്തിൽ വരുന്നത്. സ്വകാര്യ വാഹനങ്ങൾക്ക് ദീർഘകാല പ്രീമിയം സെപ്റ്റംബർ ഒന്നുമുതൽ നിർബന്ധമാക്കണമെന്ന് ജൂലൈ 20നാണ് സുപ്രീംകോടതി നിർദേശിച്ചത്. ഇതിനെതിരെ ജനറൽ ഇൻഷുറൻസ് കൗൺസിൽ സമർപ്പിച്ച ഹരജി ജസ്റ്റിസുമാരായ മദൻ ബി. ലോകുർ, എസ്. അബ്ദുൽ നസീർ എന്നിവരടങ്ങിയ ബെഞ്ചാണ് വെള്ളിയാഴ്ച തള്ളിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.