ഒറ്റപ്പാലം: നഗരസഭ ബസ്സ്റ്റാൻഡിൽ യാത്രക്കാർ അനുഭവിക്കുന്ന ദുരിതങ്ങളും സുരക്ഷിതത്വമില്ലായ്മയും ചൂണ്ടിക്കാട്ടി സിറ്റിസൺ ഫോറം സമർപ്പിച്ച പരാതിയിൽ വാദം കേട്ട മനുഷ്യാവകാശ കമീഷൻ എതിർകക്ഷിയായ നഗരസഭ സമർപ്പിച്ച മറുപടിയുടെ പകർപ്പ് അടിയന്തരമായി പരാതിക്കാർക്ക് നൽകാൻ നിർദേശിച്ചു. ഇതിന്മേലുള്ള ആക്ഷേപം പത്ത് ദിവസത്തിനകം രേഖാമൂലം സമർപ്പിക്കാൻ പരാതിക്കാരനോടും കമീഷൻ നിർദേശിച്ചതായി ഫോറം പ്രസിഡൻറ് അഡ്വ. ആർ.പി. ശ്രീനിവാസൻ അറിയിച്ചു. നഗരസഭ സമർപ്പിച്ച മറുപടിയിൽ പരാതിക്കാരെൻറ വ്യാജ ഒപ്പിട്ട് മറുപടിയുടെ പകർപ്പ് കൈപ്പറ്റിയെന്ന് കമീഷനെ എതിർകക്ഷികൾ തെറ്റിദ്ധരിപ്പിച്ചതായ സാഹചര്യത്തിലാണ് പകർപ്പ് പരാതിക്കാരന് നൽകാൻ നിർദേശിച്ചതെന്ന് കേസിനുവേണ്ടി ഹാജരായ ഫോറം പ്രസിഡൻറ് അഡ്വ. ആർ.പി. ശ്രീനിവാസൻ പറഞ്ഞു. നിരന്തരം അപകട ഭീഷണി ഉയരുന്ന ബസ്സ്റ്റാൻഡിൽ യാത്രക്കാർക്ക് ജീവഹാനിവരെ സംഭവിച്ചിട്ടുണ്ട്. സ്റ്റാൻഡ് വിപുലീകരണ പ്രവർത്തനം തുടങ്ങി വ്യാഴവട്ടം പിന്നിട്ടിട്ടും പദ്ധതി ലക്ഷ്യത്തിലെത്താത്തത് പ്രതിസന്ധികൾ രൂക്ഷമാകുന്നത് ഫോറം സമർപ്പിച്ച പരാതിയിൽ ചൂണ്ടിക്കാട്ടുന്നു. നഗരസഭക്ക് അഡ്വ. കെ. ഹരിദാസും ഫോറത്തിനായി പ്രസിഡൻറ് അഡ്വ. ആർ.പി. ശ്രീനിവാസനും സെക്രട്ടറി വി.പി. രാധാകൃഷ്ണനുമാണ് കമീഷൻ മുമ്പാകെ ഹാജരായത്. പാലക്കാട് െഗസ്റ്റ് ഹൗസിലായിരുന്നു കമീഷൻ സിറ്റിങ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.