തിരൂർ: തിരൂർ റെയിൽവേ സ്റ്റേഷനിൽ 55 ലക്ഷം രൂപയുടെ കുഴൽപണവുമായി യുവാവ് പിടിയിൽ. കോഴിക്കോട് കുന്ദമംഗലം വട്ടംപറമ്പിൽ മുഹമ്മദ് ഷാഫിയെയാണ് (30) തിരൂർ എസ്.ഐ സുമേഷ് സുധാകറും സംഘവും അറസ്റ്റ് ചെയ്തത്. തുണിയറകളിലാക്കി പണം ദേഹത്ത് കെട്ടിവെച്ച നിലയിലായിരുന്നു. ബംഗളൂരുവിൽ നിന്ന് വരികയാണെന്നും സ്വർണം വിറ്റുകിട്ടിയ പണമാണെന്നുമാണ് ഷാഫി നൽകിയ മൊഴി. എ.എസ്.ഐ പ്രമോദ്, സിവിൽ പൊലീസ് ഓഫിസർമാരായ രാജേഷ്, ജയപ്രകാശ്, ആൽവിൻ, നിഷാദ് എന്നിവരും അന്വേഷണസംഘത്തിലുണ്ടായിരുന്നു. ഷാഫിയെ കോടതിയിൽ ഹാജരാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.