കോട്ടക്കൽ: രണ്ടാമത് വിനോദ് ആൻഡ് ജയദേവൻ സ്പോർട്സ് ഫൗണ്ടേഷൻ അഖില കേരള ക്രിക്കറ്റ് ടൂർണമെൻറ് ഫൈനലിൽ കോട്ടക്കൽ അൽ അമീനെ പരാജയപ്പെടുത്തി കെ.സി.സി കുന്നപ്പള്ളിക്ക് കിരീടം. ഫൈനലിൽ അൽ അമീൻ കോട്ടക്കലിനെ ഏഴ് വിക്കറ്റിന് തോൽപ്പിച്ചാണ് നേട്ടം. കുന്നപ്പള്ളിക്കു വേണ്ടി സെഞ്ച്വറി നേടി മികച്ച പ്രകടനം കാഴ്ച വെച്ച് റഫീഖ് മാൻ ഓഫ് ദി മാച്ചായി. ടൂർണമെൻറിലെ മാൻ ഒഫ് ദി സീരീസും റഫീഖാണ്. മികച്ച ബാറ്റ്സ്മാനായി രാഹുൽ (ഓറിയോൺ ആർവിൻ, കോഴിക്കോട്), മികച്ച ബൗളറായി ഫഹദ് (അൽ അമീൻ, കോട്ടക്കൽ) എന്നിവർ പുരസ്കാരം നേടി. വിജയികൾക്കുള്ള സമ്മാനദാനം കെ.കെ. ആബിദ് ഹുസൈൻ തങ്ങൾ എം.എൽ.എ, നഗരസഭ ചെയർമാൻ കെ.കെ. നാസർ, ഹരിദാസ് (കേരള ക്രിക്കറ്റ് അസോസിയേഷൻ) എന്നിവർ നിർവഹിച്ചു. ബാങ്ക് ചെയർമാൻമാരായ യു.എ. ഷബീർ, സി. ആസാദ് എന്നിവരും വിജയികൾക്കുള്ള സമ്മാനങ്ങൾ കൈമാറി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.