ഒറ്റപ്പാലം: ആയുർവേദ ശിരോമണി വേലായുധൻ വൈദ്യർ സർക്കാറിന് ദാനം ചെയ്ത സ്ഥലത്ത് നിർമിച്ച പണ്ടാരത്തിൽ മാധവികുട്ടി അമ്മ സ്മാരക ഗവ. ആയുർവേദ ആശുപത്രി സബ് സെൻററിെൻറ ഉദ്ഘാടനം ശനിയാഴ്ച രാവിലെ 10ന് മന്ത്രി കെ.കെ. ശൈലജ ടീച്ചർ നിർവഹിക്കും. മുൻ എം.എൽ.എ എം. ഹംസയുടെ ആസ്തി വികസന ഫണ്ടിൽനിന്ന് അനുവദിച്ച ഒരു കോടി രൂപ ചെലവിട്ടാണ് കെട്ടിടവും ആശുപത്രിയും യാഥാർഥ്യമാക്കിയത്. ടി.ബി റോഡിൽ വൈദ്യശാലയായി പ്രവർത്തിച്ച 22.5 സെൻറ് സ്ഥലവും കെട്ടിടവും സർക്കാറിന് ദാനം ചെയ്തതായി ഒസ്യത്ത് എഴുതി വെച്ചതനുസരിച്ചാണ് സർക്കാർ ഏറ്റെടുത്തത്. ഒസ്യത്തനുസരിച്ചാണ് ആശുപത്രിക്ക് ഇദ്ദേഹത്തിെൻറ അമ്മയുടെ പേര് നൽകിയിട്ടുള്ളത്. പി. ഉണ്ണി എം.എൽ.എ അധ്യക്ഷത വഹിക്കും. എം. ഹംസ മുഖ്യാതിഥിയായിരിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.