വള്ളിക്കുന്ന്: വള്ളിക്കുന്ന് ഗ്രാമപഞ്ചായത്ത് വൈസ് പ്രസിഡൻറ് കോൺഗ്രസിലെ കെ. ബിന്ദു ചുമതലയേറ്റു. യു.ഡി.എഫ് ധാരണപ്രകാരം മുസ്ലിം ലീഗിലെ ഹൈറുന്നീസ രാജിവെച്ച ഒഴിവിൽ നടന്ന തെരഞ്ഞെടുപ്പിലാണ് ബിന്ദുവിന് വൈസ് പ്രസിഡൻറ് സ്ഥാനം ലഭിച്ചത്. ഷൈമലത ആയിരുന്നു എൽ.ഡി.എഫ് സ്ഥാനാർഥി. യു.ഡി.എഫിലെ 11 അംഗങ്ങളുടെ വോട്ടും ബിന്ദുവിന് ലഭിച്ചു. ഷൈമലതക്ക് 10 വോട്ടും ലഭിച്ചു. രണ്ട് അംഗങ്ങളുള്ള ബി.ജെ.പിയുടെ വോട്ട് അസാധുവാക്കി. കെ. ബിന്ദുവിന് പ്രസിഡൻറ് വി.എൻ. ശോഭന സത്യവാചകം ചൊല്ലിക്കൊടുത്തു. തുടർന്ന് യു.ഡി.എഫ് പ്രവർത്തകർ അത്താണിക്കലിൽ പ്രകടനം നടത്തി. സി. ഉണ്ണിമൊയ്തു, കെ. കോയ, വി.എൻ. ശോഭന, എൻ.ടി. കോയക്കുട്ടി, പി.ഐ. ഉണ്ണികൃഷ്ണൻ നായർ, ലത്തീഫ് കല്ലിടുമ്പൻ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.