തേഞ്ഞിപ്പലം: പെരുവള്ളൂരിൽ വ്യാഴാഴ്ച അർധരാത്രി വീശിയടിച്ച കാറ്റിൽ വ്യാപക നാശം. മരങ്ങൾ ഉൾപ്പെടെ കടപുഴകി വീണു. കാടപ്പടി ഉങ്ങുങ്ങലിലെ അല്ലിപ്പറ അബ്ദുസ്സലാം, സഹോദരൻ അബ്ദുൽ ഗഫൂർ, ചീരങ്ങൽ ഹസ്സൻ എന്നിവരുടെ പുരയിടങ്ങളിലെ പ്ലാവ്, മാവ്, തെങ്ങ്, തേക്ക്, വാഴ എന്നിവ നിലംപതിച്ചു. ചീരങ്ങൽ ഹസ്സെൻറ വീടിന് മുകളിൽ മരം വീണു. വീട്ടുകാർ ബന്ധുവീട്ടിൽ പോയതിനാൽ വൻ ദുരന്തം ഒഴിവായി. വീടുകളുടെ ചുറ്റുമതിൽ തകർന്നിട്ടുണ്ട്. മൂന്നു വൈദ്യുതി പോസ്റ്റുകളും ലൈനുകളും തകർന്ന് വൈദ്യുതി ബന്ധം തകരാറിലായി. ഏകദേശം മൂന്ന് ലക്ഷം രൂപയുടെ നഷ്ടം കണക്കാക്കുന്നതായി വീട്ടുകാർ പറഞ്ഞു. ഫോട്ടോ. പെരുവള്ളൂരിൽ ചുഴലിക്കാറ്റിൽ വീണ മരങ്ങൾ
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.