വാണിയംകുളം പി.കെ. ദാസ് മെഡിക്കൽ കോളജിലെ സ്റ്റാഫ് നഴ്സുമാരാണ് മേലധികാരികളെ ഉപരോധിച്ചത് ഷൊർണൂർ: വാണിയംകുളം പി.കെ. ദാസ് മെഡിക്കൽ കോളജ് ആശുപത്രിയിലെ സ്റ്റാഫ് നഴ്സുമാർ മേലധികാരികളെ ഉപരോധിച്ചു. സർക്കാർ പ്രഖ്യാപിച്ച അടിസ്ഥാന ശമ്പളം നൽകാത്തതിൽ പ്രതിഷേധിച്ചായിരുന്നു സമരം. 2013ൽ പ്രഖ്യാപിച്ച അടിസ്ഥാന ശമ്പളം ലഭിക്കാൻ അഞ്ചുതവണ ലേബർ ഓഫിസിൽ പോകേണ്ടി വന്നിരുന്നെന്ന് സമരക്കാർ കുറ്റപ്പെടുത്തി. പുതുക്കിയ ശമ്പളം നൽകാമെന്ന് പറയുകയല്ലാതെ ഇതുവരെ ലഭിച്ചിട്ടില്ല. ലേബർ ഓഫിസർ നിർദേശിച്ചിട്ടും മൂന്നുതവണ ചർച്ച നടത്തിയിട്ടും തീരുമാനമായില്ലെന്നും സമരക്കാർ ആരോപിച്ചു. ബുധനാഴ്ച ഉച്ചതിരിഞ്ഞ് ആരംഭിച്ച സമരം രാത്രി വൈകിയും തുടരുകയാണ്. രാത്രി ഒറ്റപ്പാലം പൊലീസ് സ്ഥലത്തെത്തി. യൂനിറ്റ് പ്രസിഡൻറ് നീതു, സെക്രട്ടറി ഷാനവാസ്, യൂനിയൻ ജില്ല പ്രസിഡൻറ് അജയ് വിശ്വംഭരൻ എന്നിവർ ഉപരോധത്തിന് നേതൃത്വം നൽകി. photo
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.