മഴ പെയ്​താൽ കക്കാട് ചെനക്കൽ 'കുളം'

തിരൂരങ്ങാടി: മഴ പെയ്താൽ കക്കാട് ചെനക്കൽ പ്രദേശത്തുകാർ ദുരിതത്തിലാണ്. അങ്ങാടിയിലെ കോൺക്രീറ്റ് പാതകൾ പൊട്ടിപ്പൊളിഞ്ഞതോടെ മഴ പെയ്താൽ വെള്ളം കെട്ടിനിൽക്കുകയാണ്. വർഷങ്ങൾക്ക് മുമ്പ് കോൺക്രീറ്റ് ചെയ്ത ശേഷം ഇതുവരെ അറ്റകുറ്റപ്പണി നടത്തിയിട്ടില്ല. പ്രദേശത്തെ യുവ ക്ലബുകളും പൊതു പ്രവർത്തകരും വാർഡ് സഭയിൽ വിഷയങ്ങൾ ഉന്നയിച്ചിട്ടും നഗരസഭ നടപടി എടുക്കുന്നില്ലെന്ന് നാട്ടുകാർ പറയുന്നു. ഫോട്ടോ: കക്കാട് ചെനക്കൽ റോഡ് മഴ പെയ്തതോടെ വെള്ളം നിറഞ്ഞ നിലയിൽ