അരീക്കോട്: കീഴുപറമ്പ് പഞ്ചായത്തില് ലൈഫ് ഭവന പദ്ധതിയുടെ ഒന്നാം ഗഡു ധനസഹായ വിതരണം പ്രസിഡൻറ് പി.കെ. കമ്മദ്കുട്ടി നിർവഹിച്ചു. അരീക്കോട് ബ്ലോക്ക് പഞ്ചായത്ത് പരിധിയില് ലൈഫ് ഭവന സഹായം നല്കുന്ന ആദ്യ പഞ്ചായത്താണ് കീഴുപറമ്പ്. 12 ഗുണഭോക്താക്കൾക്ക് സഹായം അനുവദിച്ചു. വികസനകാര്യ സ്ഥിരം സമിതി അധ്യക്ഷന് കെ. അബൂബക്കര് അധ്യക്ഷത വഹിച്ചു. സ്ഥിര സമിതി ചെയര്മാന്മാരായ നജീബ് കാരങ്ങാടൻ, പി. സുധ, അംഗങ്ങളായ കെ.ടി. ആയിഷ, കെ.ടി. ജമീല, വി.ഇ.ഒ വിമല് ബാബു, എൽ.വി.ഇ.ഒ പി. റെജി എന്നിവര് സംസാരിച്ചു. ഗുണഭോക്താക്കള്ക്ക് തൊഴിലുറപ്പ് പദ്ധതിയില് 90 തൊഴില്ദിനങ്ങളും ശുചിമുറി, കിണര് നിര്മാണങ്ങൾക്ക് ധനസഹായവും അനുവദിക്കുമെന്ന് പ്രസിഡൻറ് അറിയിച്ചു. ഫോട്ടോ: കീഴുപറമ്പിൽ ലൈഫ് ഭവനപദ്ധതിയിലെ ആദ്യ ഗഡു വിതരണം ഗ്രാമ പഞ്ചായത്ത് പ്രസിഡൻറ് പി.കെ. കമ്മദ് കുട്ടി ഉദ്ഘാടനം ചെയ്യുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.