തുവ്വൂർ: അടിസ്ഥാന സൗകര്യങ്ങളില്ലാതെ തുവ്വൂർ റെയിൽവേ സ്റ്റേഷൻ. ദിനംപ്രതി നൂറുകണക്കിന് യാത്രക്കാർ എത്തുന്ന സ്റ്റേഷനാണിത്. പ്രാഥമികാവശ്യം നിർവഹിക്കാനുള്ള മൂത്രപ്പുര ഇതിനകം നിലംപൊത്തി. കക്കൂസ് ദ്രവിച്ച് ഉപയോഗിക്കാൻ കഴിയാത്ത സ്ഥിതിയാണ്. കുടിവെള്ളത്തിനായി പൈപ്പുകളും മറ്റും സ്ഥാപിച്ചിട്ടുണ്ടെങ്കിലും വെള്ളം എത്തിക്കാനുള്ള നടപടിയായിട്ടില്ല. മഴ പെയ്താൽ സ്റ്റേഷനകം വെള്ളം നിറയും. ഇതുകാരണം ആളുകൾക്ക് നിൽക്കാൻ പോലും കഴിയില്ല. ഓഫിസ് കെട്ടിടം നവീകരണ പ്രവൃത്തി നടത്തിയെങ്കിലും നിർമാണത്തിലെ അശാസ്ത്രീയതാണ് ഇതിന് കാരണം. പ്ലാറ്റ്ഫോമിൽ എല്ലായിടത്തും ലൈറ്റുകൾ ഇല്ലാത്തതും പ്രശ്നമാണ്. പ്ലാറ്റ്ഫോം വൃത്തിയാക്കാൻ ആളില്ലാത്തത് കാരണം സ്റ്റേഷൻ പരിസരമാകെ മാലിന്യം നിറഞ്ഞിരിക്കുകയാണ്. ദീർഘ സ്ഥലങ്ങളിലേക്ക് ഇവിടെനിന്ന് ടിക്കറ്റ് ലഭിക്കുന്നില്ലെന്ന ആക്ഷേപവുമുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.