ലോകകപ്പിന്​ അണിഞ്ഞൊരുങ്ങി താഴത്തങ്ങാടി

അരീക്കോട്: കാൽപന്തുകളിയുടെ കടുത്ത ആരാധകരായ ഏതോ ലാറ്റിനമേരിക്കൻ രാജ്യത്തെ തെരുവുകളിലൂടെ നടന്നുപോകുന്ന പ്രതീതിയാണ് അരീക്കോട് താഴത്തങ്ങാടിക്ക്. ജനങ്ങൾ തിങ്ങി താമസിക്കുന്ന ഫവേലകളെ അനുസ്മരിപ്പിക്കുന്ന രീതിയിലാണ് ബ്രസീലി​െൻറയും അർജൻറീനയുടേയും കളിയാരാധകർ താഴത്തങ്ങാടിയെ ഒരുക്കിയത്. ബ്രസീൽ ഫാൻസ് അസോസിയേഷൻ ഇവിടെ സ്വന്തമായി ഓഫിസ് തുറന്നു. ഐ.എസ്.എൽ താരം എം.പി. സക്കീറാണ് ഉദ്ഘാടനം നിർവഹിച്ചത്. പഞ്ചായത്ത് കിണറുകളും പീടികത്തിണ്ണകളും ചുവരുകളും എന്നിങ്ങനെ മഞ്ഞയോ നീലയോ ചായം മുങ്ങാത്ത ഒരിടവും ഈ തെരുവിലില്ല. അർജൻറീന ഫാൻസ് ലയണൽ മെസിയുടെ കട്ടൗട്ട് സ്ഥാപിച്ചപ്പോൾ ബ്രസീൽ മുൻ താരങ്ങളായ പെലെ, സോക്രട്ടീസ്, ഗരിഞ്ച, ദുംഗ, റൊമാരിയോ, കഫു, മാർക്കോസ്, റൊണാൾഡോ, റോബർട്ടോ കാർലോസ്, നെയ്മർ എന്നിവരുടെയും ഫ്ലക്സുകൾ റോഡി​െൻറ വശങ്ങളിൽ സ്ഥാപിച്ചിരിക്കുകയാണ് ബ്രസീൽ ആരാധകർ. നീലയോ മഞ്ഞയോ നിറത്തിലുള്ള വർണക്കടലാസുകളും ദേശീയ പതാകകളും അന്തരീക്ഷത്തിൽ പാറിക്കളിക്കുന്നു. പരസ്പരം വൈരമില്ലാതെ, എന്നാൽ ആവേശം ഒട്ടും ചോരാതെ കളിയാസ്വാദനത്തി​െൻറ സത്ത ഉൾക്കൊണ്ട് ലോകകപ്പി​െൻറ ഓരോ മത്സരത്തേയും വരവേൽക്കാനാണ് ഇവിടുത്തെ കാൽപന്ത് കളി പ്രേമികളുടെ തീരുമാനം. പടം...mpl2 അരീക്കോട് താഴത്തങ്ങാടിയിൽ ബ്രസീൽ ഫാൻസ് അസോസിയേഷൻ ഓഫിസ് ഐ.എസ്.എൽ താരം എം.പി. സക്കീർ ഉദ്ഘാടനം ചെയ്യുന്നു പടം...mpl1 ബ്രസീൽ ഫാൻസ്