പാണ്ടിക്കാട്: അപ്രഖ്യാപിത വൈദ്യുതി മുടക്കത്തിൽ പ്രതിഷേധിച്ച് യൂത്ത് കോൺഗ്രസ് പാണ്ടിക്കാട് മണ്ഡലം കമ്മിറ്റി കെ.എസ്.ഇ.ബി സെക്ഷൻ ഓഫിസിലേക്ക് മാർച്ച് നടത്തി. യൂത്ത് കോൺഗ്രസ് മലപ്പുറം പാർലമെൻറ് മണ്ഡലം വൈസ് പ്രസിഡൻറ് പി.ആർ. രോഹിൽനാഥ് ഉദ്ഘാടനം ചെയ്തു. മണ്ഡലം കോൺഗ്രസ് കമ്മിറ്റി ഒാഫിസിന് സമീപത്ത് നിന്നാരംഭിച്ച മാർച്ച് കെ.എസ്.ഇ.ബി ഓഫിസിന് മുന്നിൽ പൊലീസ് തടഞ്ഞു. തുടർന്ന് നടന്ന ധർണയിൽ യൂത്ത് കോൺഗ്രസ് പാണ്ടിക്കാട് മണ്ഡലം വൈസ് പ്രസിഡൻറ് ജയകൃഷ്ണൻ കാരാട്ടാൽ അധ്യക്ഷത വഹിച്ചു. മഞ്ചേരി നിയോജക മണ്ഡലം ജനറൽ സെക്രട്ടറി ഇ. സഫീർ ജാൻ മുഖ്യപ്രഭാഷണം നടത്തി. മണ്ഡലം കോൺഗ്രസ് കമ്മിറ്റി പ്രസിഡൻറ് വി.പി. ജലീൽ, ആസാദ് തമ്പാനങ്ങാടി എന്നിവർ സംസാരിച്ചു. കുഞ്ഞു കട്ടകുളം, പി.സി. കരീം, ഫൈസൽ കൊപ്പത്ത്, ഷാജഹാൻ താലപ്പൊലിപറമ്പ്, ടി.കെ. സമീർ ബാബു, കെ.കെ. സദക്കത്ത്, സി.കെ.ആർ. ഇണ്ണിപ്പ, ഷിബു എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.