മലപ്പുറം: നഗരസഭ പരിധിയിൽ മലേറിയ കണ്ടെത്തിയ സാഹചര്യത്തിൽ ആരോഗ്യ വകുപ്പ് പരിശോധന ശക്തമാക്കി. മലേറിയ കണ്ടെത്തിയ ഡി.പി.ഒ റോഡ് പരിസരത്തായിരുന്നു വ്യാഴാഴ്ച പരിശോധന. മന്ത്രിസഭ വാർഷിക ഭാഗമായി എം.എസ്.പിയിൽ നടന്ന മേളയിൽ ജോലിക്കെത്തിയയാൾക്കാണ് രോഗം കണ്ടെത്തിയത്. ഇയാൾ ഒരാഴ്ചയായി ഡി.പി റോഡിലായിരുന്നു താമസം. രോഗം സ്ഥിരീകരിച്ചതോടെയാണ് ടി.ബി ഓഫിസർ മോഹൻദാസിെൻറ നേതൃത്വത്തിൽ ആരോഗ്യ വകുപ്പ് സംഘം പരിശോധനക്കായി എത്തിയത്. പ്രദേശത്ത് താമസിക്കുന്നവരുടെ രക്തസാമ്പിളുകൾ ശേഖരിച്ച സംഘം ജാഗ്രത നിർദേശം നൽകി. ഇവിടെ കൊതുകിനെ തുരത്താൻ ഫോഗിങ്ങും നടത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.