കാടുപൂക്കട്ടെ, ഞാവൽകാ പഴുക്കട്ടെ

മഞ്ചേരി: നശിപ്പിച്ച് കളയാനിരുന്ന ആയിരത്തിലേറെ ഞാവൽപഴത്തൈകൾ പറിച്ച് വീണ്ടും നട്ടുപിടിപ്പിക്കാവുന്ന വിധത്തിൽ ശേഖരിച്ച് സ്കൂൾ വിദ്യാർഥികൾക്ക് നൽകി. മഞ്ചേരി, പെരിന്തൽമണ്ണ, മലപ്പുറം എന്നിവിടങ്ങിലെ 20ഒാളം വിദ്യാലയങ്ങളിലാണ് തൈകൾ ഏൽപിച്ചത്. അധ്യാപകനും ഒൗഷധ സസ്യപ്രചാരകനുമായ ഡോ. പ്രമോദ് ഇരുമ്പുഴിയാണ് ഇവ അധ്യാപകർ വഴി കുട്ടികളില്ലെത്തിച്ചത്. ആദ്യം 3,000 തൈകളും പിന്നീട് അയ്യായിരത്തിലധികം തൈകളും ഇത്തരത്തിൽ വിവിധ സ്കൂളുകളിൽ വിതരണം ചെയ്യാൻ അധ്യാപകരെ ഏൽപിച്ചു. ഇരുമ്പുഴിയിലെ ഒരുവീട്ടുവളപ്പിലാണ് തൈകൾ മുളച്ചത്. ആയുർവേദവും ഹോമിയോപ്പതിയും ഞാവൽ ഔഷധമായി ഉപയോഗിക്കാറുണ്ട്. രക്തക്കുറവ്, പ്രമേഹം, അസ്ഥിയുരുക്കം, അർശസ്സ് തുടങ്ങിയവക്ക് ഉപയോഗിച്ചുവരുന്നു.