പാലക്കാട്: പാലക്കാട് ജങ്ഷൻ യാർഡിൽ റെയിൽവേ ഉന്നത ഉദ്യോഗസ്ഥരുടെ സുരക്ഷ പരിശോധന. പരിശോധനക്ക് ശേഷം സുരക്ഷ വിലയിരുത്താൻ യോഗം ചേർന്നു. ഡിവിഷന് കീഴിലെ സ്േറ്റഷനുകളിൽ പരിശോധന നടത്താൻ 13 സംഘങ്ങളെ ചുമതലപ്പെടുത്തി. അറ്റകുറ്റപ്പണികൾ വിലയിരുത്താനും സുരക്ഷ പ്രശ്നങ്ങൾ കണ്ടെത്താനും ദക്ഷിണ റെയിൽവേയിൽ ആദ്യത്തെ പരിശോധനയാണ് പാലക്കാട് ഡിവിഷനിൽ നടന്നത്. ഡിവിഷനൽ റെയിൽവേ മാനേജർ പ്രതാപ് സിങ് ഷാമി പരിശോധനക്ക് നേതൃത്വം നൽകി. യാർഡിലെ മുഴുവൻ ട്രാക്കുകൾ, പോയിൻറ്സ്, ക്രോസിങ്, ലെവൽ ക്രോസുകൾ പരിശോധിച്ചു. ഉച്ചക്ക് 11ന് തുടങ്ങിയ പരിശോധന 1.30 വരെ നീണ്ടു. സീനിയർ ഡിവിഷനൽ എൻജിനീയർ വി. രാജഗോപാലൻ, സീനിയർ ഡിവിഷനൽ സുരക്ഷ ഓഫിസർ നിതിൻ പ്രകാശ്, ഡിവിഷനൽ സിഗ്നൽ, ടെലികോം എൻജിനീയർ അബ്രഹാം എബി, ഡിവിഷനൽ എൻജീനിയർമാരായ എ. തിരുമൽ, മുഹമ്മദ് അസ്ലം എന്നിവർ പരിശോധനയിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.