മലപ്പുറം: പാക്കറ്റില് രേഖപ്പെടുത്തിയ എം.ആർ.പിയെക്കാള് വില ഈടാക്കിയ ടൈല്സ് കടക്കെതിരെ ജില്ല ലീഗല് മെട്രോളജി വിഭാഗം കേസെടുത്തു. എടവണ്ണയിലെ സ്ഥാപനത്തിനെതിരെയാണ് പാക്കേജ് ആൻഡ് കമ്മോഡിറ്റീസ് നിയമ പ്രകാരം കേസെടുത്തത്. ഇതിന് പുറമെ 10,000 രൂപ പിഴയും ഈടാക്കി. ടൈല്സ് വിരിക്കാന് ഉപയോഗിക്കുന്ന ടൈല് മേറ്റ് 500 ഗ്രാം പാക്കിനാണ് കടയുടമ എം.ആർ.പിയായ 46 രൂപക്ക് പകരം 50 രൂപ ഈടാക്കിയത്. പരാതി ലഭിച്ച ശേഷം ഇത് അധികൃതര് നേരിട്ടെത്തി സാധനം വാങ്ങുകയും ബോധ്യപ്പെടുകയും ചെയ്തതോടെയാണ് കൈയോടെ പിടികൂടിയത്. മാത്രമല്ല ബില്ലില് സ്ഥാപനത്തിെൻറ പേരോ വിലാസമോ രേഖപ്പെടുത്തിയിരുന്നില്ല. ജില്ലയിലെ വിവിധ ഭാഗങ്ങളില് നടത്തിയ പരിശോധനയില് പാക്കറ്റില് വില കാണിക്കാത്തത്, തൂക്കം കാണിക്കാത്തത്, നിര്മാതാവിെൻറ പേരില്ലാത്തത്, ത്രാസ് സീല് ചെയ്യാത്തത് തുടങ്ങിയ 10 കേസുകളെടുത്തു. തിരൂര്, എറനാട്, നിലമ്പൂര് താലൂക്കുകളിലാണ് പരിശോധന നടത്തിയത്. അസി. കമീഷണര് കെ. സുധീര് രാജിെൻറ നേതൃത്വത്തിലായിരുന്നു പരിശോധന.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.