വാണിയംകുളം പഞ്ചായത്ത് പ്രസിഡൻറ് ഉൾെപ്പടെയുള്ളവരുടെ നേതൃത്വത്തിലായിരുന്നു പ്രതിഷേധം ഒറ്റപ്പാലം: സ്ഥലം മാറ്റി പ്രവർത്തനം ആരംഭിച്ച ബീവറേജസ് കോർപറേഷെൻറ മദ്യശാല തുറന്ന് മണിക്കൂറുകൾ കഴിയും മുമ്പേ അടച്ചുപൂട്ടി. ഈസ്റ്റ് മനിശ്ശേരിയിൽ പ്രവർത്തനം തുടങ്ങിയ മദ്യശാലയാണ് എതിർപ്പിനെ തുടർന്ന് തുറന്ന ദിവസംതന്നെ അടച്ചത്. ഒറ്റപ്പാലം നഗരമധ്യത്തിൽ പ്രവർത്തിച്ചിരുന്ന മദ്യശാല ഒരു മുന്നറിയിപ്പുമില്ലാതെ വാണിയംകുളം പഞ്ചായത്ത് പരിധിയിലേക്ക് മാറ്റിസ്ഥാപിച്ചതായി പ്രതിഷേധക്കാർ പറഞ്ഞു. പഞ്ചായത്ത് പ്രസിഡൻറ് എം. പ്രിയ ഉൾെപ്പടെയുള്ളവരുടെ നേതൃത്വത്തിലായിരുന്നു പ്രതിഷേധം. ചർച്ചക്കുശേഷമേ തുറന്നു പ്രവർത്തിക്കുന്ന കാര്യത്തിൽ അന്തിമ തീരുമാനമുണ്ടാകൂ. സി.പി.എം ലോക്കൽ കമ്മിറ്റി സെക്രട്ടറി കെ. കൃഷ്ണകുമാർ, കെ. രാഹുൽദാസ്, എ.കെ. ജിജേഷ്, വിപിൻശങ്കർ, ടി.ആർ. അംബിക, ഉഷാകുമാരി എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.