കാളികാവ്: അഞ്ചച്ചവിടി കര്ത്തേനിയില് അടിപിടിക്കിടെ മാവുങ്ങല് കുഞ്ഞിമുഹമ്മദ് (60) മരിച്ചത് ഹൃദയ സ്തംഭനം മൂലമെന്ന് ഡോക്ടറുടെ മൊഴി. ജൂണ് 28നാണ് കേസിനാസ്പദമായ സംഭവമുണ്ടായത്. വഴിയില് വാഹനം നിര്ത്തിയിട്ടതുമായി ബന്ധപ്പെട്ട തര്ക്കമാണ് അടിപിടിയില് കലാശിച്ചത്. തുടര്ന്ന് ആശുപത്രിയില് ചികിത്സയിലിരിക്കെ കുഞ്ഞിമുഹമ്മദ് മരിച്ചു. സംഭവത്തില് പ്രതികളുടെ പേരില് മനഃപൂർവമല്ലാത്ത നരഹത്യക്കു കൂടി കാളികാവ് പൊലീസ് കേസെടുത്തു. ഒളിവില് പോയ ഇവരെ കണ്ടെത്താന് കഴിഞ്ഞിട്ടില്ല. പ്രതികള്ക്കുവേണ്ടി തിരച്ചില് ഊര്ജിതമാക്കിയിട്ടുണ്ടെന്ന് എസ്.ഐ എം.സി. പ്രമോദ് പറഞ്ഞു. സംഭവം നടന്ന സ്ഥലത്ത് സംഘര്ഷം ഉണ്ടാകാതിരിക്കാന് ഇപ്പോഴും പൊലീസ് കാവലുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.