പൂക്കോട്ടുംപാടം: ദേശീയ വിദ്യാഭ്യാസ എക്സലെൻസ് പുരസ്കാര ജേതാവ് പൂക്കോട്ടുംപാടം ഗുഡ്വിൽ സ്കൂൾ മാനേജർ എം. അബ്ദുൽ നാസര് അവാര്ഡ് തുകയിൽനിന്ന് 10,000 രൂപ പൂക്കോട്ടുംപാടം പാലിയേറ്റിവ് കെയർ ക്ലിനിക്കിന് കൈമാറി. സ്കൂൾ അംഗണത്തിൽ നടന്ന സ്വീകരണ ചടങ്ങിലാണ് തുക കൈമാറിയത്. വിദ്യാഭ്യാസ രംഗത്ത് നടത്തിയ സമഗ്ര സംഭാവനകൾക്ക് ശിലാഫലകവും പ്രശംസ പത്രവും 25,000 രൂപയും അടങ്ങുന്ന പുരസ്കാരം ജൂൺ 24ന് െകാൽക്കത്തയിൽ നടന്ന ദേശീയ വിദ്യാഭ്യാസ ഉച്ചകോടിയിൽ മേഘാലയ ഗവർണർ ഗംഗാ പ്രസാദ് അബ്ദുൽ നാസറിന് സമ്മാനിച്ചിരുന്നു. അഖിലേന്ത്യ പ്രൈവറ്റ് സ്കൂൾ അസോസിയേഷൻ സംസ്ഥാന ജനറൽ സെക്രട്ടറികൂടിയായ ഇദ്ദേഹത്തെ അമരമ്പലം പഞ്ചായത്ത് പ്രസിഡൻറ് സി. സുജാത ആദരിച്ചു. ഗുഡ്വിൽ ചാരിറ്റബിൾ ട്രസ്റ്റ് ചെയർമാൻ എം. കുഞ്ഞിമുഹമ്മദ് അധ്യക്ഷത വഹിച്ചു. പി.ടി.എ വൈസ് പ്രസിഡൻറ് ഓമന, പാലിയേറ്റിവ് കെയർ ക്ലിനിക് ഭാരവാഹികളായ കെ. അബ്ദുല്ല, അബ്ദുറഹ്മാൻ ഉമരി, വട്ടോളി ഹംസ, എ. റിയാസ്, പ്രിൻസിപ്പൽ പി.കെ. ബിന്ദു, വൈസ് പ്രിൻസിപ്പൽ നിഷ സുധാകരൻ എന്നിവർ സംസാരിച്ചു. ഫോട്ടോ ppm1 ദേശീയ വിദ്യാഭ്യാസ അവാർഡ് ജേതാവ് എം. അബ്ദുൽ നാസര് പാലിയേറ്റിവ് ക്ലിനിക്കിന് നൽകുന്ന തുക അമരമ്പലം ഗ്രാമപഞ്ചായത്ത് പ്രസിഡൻറ് സി. സുജാതക്ക് കൈമാറുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.